Rio’s POV
Pagkagaling namin sa okasyon kahapon ay kaaagad akong umuwi ng penthouse ko dahil nakatanggap ako ng mensahe mula kay Clark. Nasa Siargao raw sina Garon at ang iba pa naming kasamahan. Nasundan raw kasi niya sina Don August at ang mga kasamahan nito na pumunta ng Siargao kaya naman sinundan nila ito upang mamataan ang kanilang pakay roon. Kaagad akong nag-shower at pagkatapos ay kinuha ko ang loptop ko. Ipinatong ko iyon sa ibabaw ng mesa. Naglakad ako sa kusina at kumuha ng isang beer sa refrigerator. Dinala ko iyon sa sala at tahimik na uminom.
Habang binabasa ko ang mga files tungkol sa mga kasong hinahawakan ko ay sinasabayan ko na ring uminom. Itiningkod ko ang kamay sa baba at malalim na huminga. Ngayon ay nakikita ko na ang sagot tungkol sa iniimbestigahan kong kaso tun
