Rio’s POV
Malawak na palasyo ang pinutahan namin kinabukasan. Dito raw gaganapin ang sinasabi nilang okasyon at pag-aari ito ng kaibigan ni Don August na si Derek. Nasa labas ng garden ang lahat ng tao nang makarating kami. Lahat ng upuan at mesa ay nababalutan ng puting kumot at ang apakan naman ay may pulang carpet. Ganito ang selebrasyon ng mga Royal family. Ang mga tauhan naman nilang magkakaibigan ay magkasama-sama na naka-stand by sa bawat sulok. Para itong mga bato na walang pakiramdam.
Naglalakad ako sa likuran nina Don August at Nathalia. Naalala ko ang ginawa ni Nathalia kahapon. Nang sabihin niya sa tatlong binata na boyfriend niya ako ay nalaglag ang mga panga nila. Sa isang sulok ng dibdib ko ay nagugustuhan ko iyon. Iyong aangkinin niya akong sa kaniya. Sa kaniya lamang.
