"Congratulations, Jenniel!" masiglang bati ni Sandino sa akin, saka ako nito niyakap at hinalikan sa noo.
Naninibago man ngunit unti unti ko na ring nakakasanayan ang pagbabagong iyon ni Sandino.
Kagabi lang ito dumating mula sa ilang araw na trabaho sa Hong Kong, kaya't hindi ko pa rin ito nakakausap tungkol sa kung ano ba talaga ang misyong sinasabi nito na para bang umiiwas pag iyon ang aming napapag usapan.
"Thank you, Sandy!" pasasalamat ko, saka ako ngumiti at gumanti ng yakap.
Tanging sina Ninang Susan at Sandino lamang ang aking kasama ngayon, dahil hindi natuloy ang pagluwas ng aking mga magulang upang dumalo sa aking graduation, dahil kasalukuyang maysakit si Tatay at hindi basta basta maiwan ni Nanay.
Nalulungkot man, ngunit pilit ko na lamang inuunawa ang sitwasyon at pili
