Walang tigil na pagtunog ng aking cellphone ang tuluyang gumising sa aking sistema mula sa pagtulog. Kinapa ko ang cellphone na nakapatong sa bedside table.
Napakunot ang aking mga kilay nang makita kong halos puro texts at calls ng aking mga kaibigan ang bumungad sa akin mula sa screen ng aking cellphone.
Tangka ko na sanang sasagutin ang tawag ni Carlo ngunit bigla naman iyong naputol, kaya't sa puntong iyon ay ako na ang nag callback sa tawag nito, pagkatapos ay muli kong ipinikit ang aking mga mata at hinintay na sagutin nito ang aking tawag.
Isang ring pa lang ay agad na rin naman nitong sinagot na lalo namang nagbigay sa aking ng kalituhan at katanungan, dahil hindi pangkaraniwan ang ganitong kilos ng aking mga kaibigan na animo ay may pagdudumali.
"What's going on?" agad kong ta
