Mariing napakuyom ang aking mga kamao nang makita ko mula sa CCTV na si Miss Pajares ang babaeng nakabangga at binastos ng grupong iyon. At mula pa lang sa puntong iyon ay pinagplanuhan na ng mga ito ang dalaga.
Malinaw ko ring nakita ang buong pangyayari. Ang pagtatangka ng masama kay Miss Pajares maging ang ginawang pagsuntok ng gagong 'yon sa tiyan ng dalaga na lalong nakapagpatindi ng galit sa aking dibdib.
Pasalamat na lamang ako sa ginawang pagtulong ng aking mga kaibigan sa dalaga na alam ko namang kahit kanino o sino man ang nangangailangan ng tulong ay handang tumulong ang mga ito, lalo na kung sa ganoong pagkakataon.
Nakita ko kung paano prinotektahan ng aking mga kaibigan si Miss Pajares, ang pambubugbog ng mga ito sa grupo ng mga gagong iyon at ang pagtutok ni Clinton ng bar
