"Sure ka bang okay ka lang, Ana?" tanong ko rito na hindi ko maiwasang hindi mag-alala dahil alam kong may tama na rin ito ng alak.
Birthday ngayon ni Sandino at naglaan ito ng kaunting salo-salo, mga piling kaibigan din lang naman ang in-invite nito, kaya nang maihatid ako ni Analyn kanina ay hindi ko na rin muna ito pinauwi para kahit paano ay makasama naming mag-celebrate ng birthday ni Sandino.
Alas nuebe na rin ng gabi at nagpipilit na itong umuwi dahil may trabaho pa rin daw ito bukas, ngunit dahil sa alam kong lasing na rin ito ay hindi ko na pinapayagang umuwi at inaaya na dito na lamang matulog.
"Yes yes yow, shishy, I am fine. I am completely fine. Okay?! So don't worry, I can manage myshelf!" sambit nitong halatang halata na ang kalasingan.
Napailing na lamang ako at tangka
