"Hoy! Tulaley ka na naman d'yan! Kanina ka pang umaga ganyan. Parang wala ka sa sarili. May problema ka ba, Jen? Halata kasi sa itsura mo, eh," mahinang sambit ni Analyn habang nakaupo kami sa loob ng malaking gym ng university.
Halos araw araw na kasi ang praktis namin ngayon para sa graduation. At ilang araw din akong hindi nakapag praktis dahil sa bigat ng aking pakiramdam.
Kanina lang ako medyo ginanahang kumilos nang magising ako kinaumagahan.
"H-Huh?" tanging reaksyon ko saka ako lumingon dito.
"Oh– kita mo 'yan! Lutang ka!" muli nitong sambit at mababakas ko rito ang pagtataka. "May problema ka ba?" seryoso nitong tanong.
Yumuko ako upang pagtakpan ang bigat ng aking nararamdaman, ngunit waring hindi nakikisama ang aking mga mata upang maitago ang aking nararamdaman nang bigla
