JENNIEL
"Jenniel, sure ka bang okay ka lang?" nag aalalang tanong ni Sandy.
Marahil ay napansin na rin ito ang pagiging tamlay ko at minsang walang gana sa pagkain. At waring mas gusto ng aking katawan na lagi lamang nakahiga.
Anim na araw na rin akong hindi nakakapasok sa bar dahil kahit pilitin ko ay hindi ko kaya, dahil para bang mas lalo lamang lumalala ang aking pagkahilong nararamdaman mula sa ingay at usok ng mga sigarilyo, maging amoy ng alak at mga pabango ay hindi na rin kinakaya ng aking sikmura, kaya naman hindi rin ako makapagtrabaho ng maayos at lagi na lamang akong napapatakbo sa rest room.
Maging ang aking mga kasamahan sa trabaho na sina Ate Mercy at Liecel ay napapansin na rin ang pagbabagong iyon sa akin. Kahit ako man sa sarili ko ay napapansin ko rin, ngunit sa kab
