JAMES
"Araw-araw at buong maghapon ka na lang ba mag-iinom, James?" malakas sa sambit ni Daddy habang nakatayo sa nakabukas na pinto ng aking opisina dito sa bar.
Isang buwan na mahigit na hindi ako umuuwi sa aking penthouse at sa mansyon. Halos dito na sa bar umiikot ang aking mundo. Hindi na rin ako napasok sa aking opisina at ultimong mga tawag ni Miss Geronimo ay hindi ko sinasagot.
Hindi ako tumugon o ang lumingon man lang, pagkatapos ay muli akong tumungga ng alak.
Subalit agad iyong inagaw ni Dad at malakas na ibinaba sa lamesa. Pagkatapos ay bumuntonghininga ito at namaywang sa aking harapan.
"Isang buwan ka ng puro alak na lang ang kaharap. Hindi mo na nga naasikaso ang mga negosyo mo– ayon katatawag sa akin ng sekretarya mo! May ilang investor na raw ang gustong mag-pull out
