Malalim na ang gabi ngunit hindi pa rin ako dinadalaw ng antok kaya ninais kong magpahangin na lang muna sa balkonahe.
Tahimik na ang buong paligid at alam maging si Ninang Susan ay himbing na rin sa pagtulog dahil mahigit ala una na rin ng gabi.
Napa buntonghininga na lamang akong napatingin sa kalangitan habang nakakapit ang aking mga kamay sa barandilya.
Hanggang ngayon ay nasa isip ko pa rin ang mga nangyari kanina sa mall. At ngayon ko lang din naunawaan kung bakit ganoon na lamang ang naging kilos ni Sandino kanina. Iyon ay dahil alam nito o maaaring nakita na nito si Sir James bago pa man kami pumasok ng restaurant at muli itong nagpanggap tulad noon na hindi naman nito kailangang gawin dahil alam ko namang wala rin akong halaga kay Sir James.
Marahil nga ay tama ang nasa isip k
