"Hoy, Jenniel!" sigaw ni Analyn habang tumatakbo itong papalapit sa akin.
Kumaway naman ako bilang tugon at sinalubong ng malapad na ngiti habang nakaupo ako sa gilid na bahagi ng canteen sa loob ng university.
"Bakit ngayon ka lang? Kanina pa ako naghihintay, ha!" pagtataray ko saka ko ito sinimangutan.
"Pasensya na, sissy! Alam mo naman ugali ni Miss Villanueva, 'di ba!? Talagang hindi ka palalabasin hangga't hindi s'ya nasa-satisfy sa performance ng mga estudyante n'ya!" saka ito umirap.
Napangiti naman ako sa tinuran nito, dahil totoo rin naman ang sinabi nito. Masyadong istrikta si Miss Villanueva at hindi rin uso rito ang sinasabing second chance.
Pag bumagsak na ang mgq estudyante sa unang pagsusulit ay wala nang pangalawa pang pagkakataon upang maisalba ang grades ng mga estud
