JENNIEL
"Ninang, paalis na po ako!" paalam ko nang makalabas na ako ng aking silid.
Inabutan ko itong nagluluto sa kusina para sa pananghalian. Alas diyes pa lamang ay nagluluto na ito, kaya naman simula nang dumating ito ay hindi kami nalilipasan ni sandino sa oras ng pagkain dahil lagi itong maaga kung magluto.
"Hindi ka ba muna kakain, Inyang?" sa halip ay tanong nito. "Halika muna at ipaghahain kita."
Umiling naman ako. "Hindi na po, ninang. Mamaya na lang po ako kakain pag-uwi ko. Maaga rin naman po akong makakauwi ngayon dahil wala na rin naman po halos ginagawa sa school. Nagpatawag lang po ngayon ang dean ng university para daw po sa special announcement. Isa pa po, ay kailangan ko na rin pong pumasok mamaya sa trabaho, dahil baka po masesante na ako, eh." Saka ko na lamang din
