عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي
شعر شعبي
٠٠٠٠٠٠٠٠٠
ملاك
اول مسمعنا الصوت مأشوف غير دفعني بكل هدوء
ليوره الممر
وجان يطلع على باب المطبخ سمعت واحد يكوله
هاي وينك مو منتضريك تعال تعشى ولك العريس
نزل بدشاشته هههه والله نصبه
بعد مادري شجاوبه٠٠٠٠لان عم الهدوء المكان
كملت طبتي للمطبخ واشوف بنات مأعرفهن
ابتسمولي
وحده منهن
انتي خيت العروسه موو؟؟
اني وين دمي جمد من الهبطه خفت ليكون احد شافنه
بلعت ريكي واني أهز براسي
اي٠٠٠فدوه بلكت شويه مي
صاحت البت
ولج نغم كلاص مي من البراد بسرعه٠٠٠
تعالي كعدي خيتي
عبالها ابجي على اختي جي راح انفاركها
خيه ليس تبجين ترى هنا كلهن طيبات واجتماعيات
وهسه تشوفين شلون ترتاح يمهم والايام انشاءالله
تثبتلج
ا
