Chapter 73:
Audrey’s POV
Dalawang araw na ang lumipas, at sa tingin ko ay hindi pa na naman nakikita ng mga kasambahay ang aking pregnancy test kits. Kahapon ko pa binabantayan ang kanilang mga galaw sa takot na may lumapit sa lugar na aking pinagtaguan at may makakita.
Napakahirap kunin ang mga ito mula sa silid na ginawang klinika, ngunit mas mahirap itong itago at tuluyang itapon na walang makakaalam. Ilang beses ko na itong sinubukang itapon ng palihim subalit sa takot na may makakita ay tinatago ko ito ulit.
At isa pang bagay na inaalala ko ngayon ay dalawang araw na ang nakalipas mula noong huli kong nakita si Xaviere. Sa tagal ng paninirahan ko dito ay ngayon lang siya hindi nagpakita ng dalawang magkasunod na araw. Dati nga ay maraming beses sa isang araw niya ako dinadalaw. He
