Napaigtad si Perlas nang biglang may humawi sa kurtinang naghihiwalay sa kama niya mula sa katabing mga higaan sa loob ng infirmary. Nakahiga pa man din siya nang walang abog na hawiin ng kung sino ang kurtina. Pero napalitan ng tuwa ang pagkagulat niya nang mapagsino ang lalaki.
“Sir Zeki!” Nagningning ang kanyang mga mata kasabay ng pagkabog ng kanyang dibdib. Wala talaga siyang maipintas sa pisikal na anyo ng binata. He's tall, well-built, and he knows how to carry himself well. “Saan ka po galing?” Akala niya ay hindi na siya nito babalikan dahil natagalan ito. Baka may kinailangan itong gampanang obligasyon bilang university lecturer.
“Let’s go.”
“Saan po?”
“Ihahatid kita sa klase mo.”
Napasulyap siya sa nurse na mabilis na nag-iwas ng tingin nang magtama ang mga mata nila. The
