قصة خيانة ثقة ١
الحلقة الاولى
فى منزل مفعم بالحيوية والنشاط، وهذا لوجود أربعة أولاد، تقوم على خدمتهم سيدة فى منتصف ال*قد الرابع، أفنت شبابها فى تربيتهم، ولكنها مقتنعة تمام الإقتناع أنهم يستحقون إلى المزيد منها.
إيثار: يا ولاد إهدوا شوية، ماتخلوش الجيران يشتكوا.
أحمد: ده اللى همك!، الجيران أهم من الشقة اللي بهدلوها وهتضطرى ترجعى تنضفيها وإنتى لسه مارتحتيش من تنضيفها من ساعة.
إيثار: مش مهم تعبى طالما مبسوطين وبيضحكوا وفرحانين، وبعدين إن ماكانوش هيلعبوا مع بعض فى بيتهم، أمال هيلعبوا فين؟
أحمد: إنتى حرة يا إيثار، أنا بس صعبان عليا تعبك كل شوية كده، أنا داخل أنام.
إيثار: أنا كمان نفسي أنام شوية، بس هعملهم شوية سندوتشات، وهغسل المواعين، وهنشر الغسيل، وأكنس أوضة المعيشة، كانوا بيلعبوا فيها من شوية وإتبهدلت.
أحمد: هتعملى ده كله وبتقوليلى نفسك تنامى!، ده على ماتخلصي هكون نمت وشبعت نوم ونزل
