TIIM-BAGANG na bumaba si Henry ng kanyang sasakyan nang ihinto niya ito sa malaking bahay na nakapaloob sa isang private subdivision. Nanggigigil siyang paulit-ulit na pinipindot ang door bell. Mga ilang segundo ang nakalilipas ay may isang matandang kasambahay ang lumabas ng bahay at tila nagulat pa ito nang makita siya.
“Sir Henry?” sambit pa ng matandang kasambahay sa kanya at parang nagdadalawang-isip pa itong humakbang patungong gate dahil nanlilisik ang tingin ang ibinibigay ni Henry rito.
“Nasaan ang amo mo!?” ani Henry sa mataas nitong boses. Kinakabahan naman ang matandang kasambahay sa kanya. “Lumapit ka rito at buksan mo ’tong gate na ’to!” sigaw pa niya sa kawawang kasambahay.
“Naku, Sir Henry. B-Bawal na po kayong pumasok. Utos po sa akin ni Sir Jerome ay hindi na po kayo p
