ملاكي الع**د

وعد ابدي 😊

عبدالله: استني هنا وجوبيني تعرفيها منين.

كنزي: سيب ايدي اوعه كده......

عبدالله: من غير كلام كتير تعرفي ندي منين.

كنزي: يعني هو ده يهمك اوي.

عبدالله: كنزي... متعصبنيش وقولي تعرفيها منين.

كنزي: ماشي انا هقول بس علشان ابينلك انك غبي

واني اذكي منك بمية مره.

عبدالله: أخلصي تعرفيها منين.

كنزي: طب يا عم متتحمقش اوي كده علي حبيبة

القلب........ لما جيت وفضلت قاعده هنا شهرين

علشان الفرح في مره لما كنت في بيتك سمعتك

وانت بتكلم ندي وتقولها يا عمري ويا حبيبة قلبي

أللي مليش غيرها وفي وقتها فهمت كل حاجه انت

كنت بتفكر فيها وبعدها بأسبوع شفت ندي واتكلمنا

واتعرفنا كمان وانا كنت اذكي منك.

عبدالله: يعني انتي فضلتي طول الوقت ده معايا و

كنتي فاهمه كل حاجه.

عبدالله: لاء بجد شاطره انتي ممثله ممتازه تحبي بقا

تاخدي جايزه نوبل ولا الاوسكار .

كنزي: شفت بقا ان مش كل الناس زي بعض وزي ما

انت بتضحك علي حد هيجي يوم وحد يضحك

عليك وكما تدين تدان.......

عبدالله ضحك بسخريه وقال: ولو بعد حين.

عبدالله: طب استني ثانيه.

كنزي: في ايه تاني.

عبدالله: انا بجد بحبك.

كنزي: ويا تري قولتها لكام واحده قابلي.

عبدالله: انا بعترف اني قولتها لكذه وحده قبل كده

بس المره دي انا بجد بحبك.

كنزي: انت بتضحك عليا ولا علي نفسك انت

مبتحبش غير نفسك وبس.

عبدالله: اسمعيني لما اكون بكلمك تقفي وتكلميني.

كنزي: وانا مش عايزه اسمعك.

عبدالله: بس انا بحبك واللهي العظيم بحبك.

كنزي: وانا مستحيل احب واحد زيك.

عبدالله: ليه ناقصني ايد و لا رجل.

كنزي: لاء ناقصلك اخلاق وعقل تفكر بيه في ألي انت

عمال تعملة.

عبدالله: ليه وانا كنت عملت ايه.

كنزي: لا واللهي يعني عمال تلعب بمشاعر البنات

وبعدها جاي تقولي ليه وهو انا كنت عملت ايه.

عبدالله: استني استني بس انا بجد بحبك ومظنش

أني قولتها بالجديه دي قبل كده .

كنزي: وانا مستحيل احبك يا عبدالله افهم انا

مستحيل احب واحد زيك .

عبدالله: طب لو انا اتحسنت وبقيت احسن هتحبيني

صح.

كنزي: ده مستحيل لان انت مستحيل تتغير من زمان

لما كانو يحكولي عن ابوك كنت بجد بفتخر ان ده

واحد من عايلتي و كان عاندي امل انك تطلع زيو

بس انت طلعت ماتشبهوش حتي في صفه واحده.

عبدالله: وانا مستعد اعمل اي حاجه علشانك لاني

بحبك مستعد أتغير وابقا أحسن .

كنزي: اسفه انا لازم امشي.

عبدالله: طب لو اتغيرت هتحبيني.

كنزي: انت مستحيل تتغير وكانك بالظبط بتقولي أنا

هنزل النجوم علي الارض.

عبدالله: لاء انا بوعدك اني هتغير ومن النهارده لاء

من اللحظه دي.

كنزي: بس انت لو هتتغير لازم يكون التغير ده علشان

نفسك مش عشاني وتوعد نفسك وتوعد ربنا مش

توعدني.

عبدالله: خلاص وانا بوعدك وبوعد نفسي اني هتغير

وهكون احسن.

وبعدها بصتلو ومشيت من غير ولا كلمه .

بس يا تري هو بجد هيتغير طب لو هيتغير هيتغير

ازاي تعالو نشوف.

وبدا التغير وبدا يفكر يعمل ايه فقرر انو يصلح كل

حاجه في حياتو وبدأ بانو راح علي المسجد.

عبدالله: انا جيت هنا انهارده علشان اوعد نفسي

واوعد ربي اني هصلح كل حاجه في حياتي وعمري

ما هلعب بمشاعر حد تانى وده وعد ابدي بوعد

نفسي بيه.

وبعدها مشي بس لسه معرفناش هو هيصلح حياتو

ازاي طب يالا نبدأ.

عبدالله: اول حاجه لازم اعملها هي عايلتي.

وراح عند اخواتو وامو وفضل يتكلم معاهم وصلح

علاقتو بيهم جدا وكل ده اخد منو اسبوعين وبعدها.

عبدالله: اممم......اعمل ايه ايوه عرفت انا لازم اعمل

ايه.

عبدالله: ألو

........

عبدالله: يعني علي الساعه 3 كده

.......

عبدالله: ايوه في كافيه الملكه

..........

عبدالله: ماشي سلام.

وعلي الساعه 3.

عبدالله: اهلا يا ندي عمله ايه.

ندي: انا كويسه وبخير طول ما انت معايا.

عبدالله: بصي في موضوع مهم كنت ع.... .

الجارسون: تشربو ايه.

عبدالله: تشربي ايه .

ندي: ممكن عصير تفاح.

الجارسون: وحضرتك.

عبدالله: اي حاجه.

عبدالله: بصي بقا اسمعيني وسيبي ام المكياچ ده.

ندي: ماشي اهو سمعاك في ايه بقا.

عبدالله: احنا لازم ننهي كل حاجه هنا.

ندي: ننهي ايه انت اكيد بتهزر صح.

عبدالله: انا بتكلم جد ومبهزرش دلوقتي احنا لازم

نسيب بعض .

ندي: لاء ده مستحيل انت كل حياتي انا مقدرش

اعيش من غيرك.

عبدالله: انا أللي..... .

الجارسون: اتفضلو العصير..... اه.... انا اسف مكنش

اصدي.

ندي: انت واحد غ*ي عجبك كده اهو العصير كلو بقا

علي فستاني.

الجارسون: انا اسف بجد انا مكنش اصدي.

عبدالله: خلاص ولايهمك روح وانتي ايه اللي عملتيه

ده.

ندي: مهو أللي كب العصير عليا واحد متخلف .

عبدالله: خلاص ايه .

ندي: خلاص نكمل كلمنا كنا بنقول ايه يا قلبي.

عبدالله: كنا بنقول ان خلاص كل حاجه مابنا انتهت

ومفيش لا كلام ولا مقابلات ولا اي حاجه مبنا تاني

فاهمه وكل اللي عندي قولتو ....

عبدالله: الحساب لو سمحت.

الجارسون : 25 جنيه حضرتك.

عبدالله: اتفضل... سلام.

وبعد كده بدأ يحسن كل حاجه في حياتو بس في

الوقت ده زي ما هو شال ندي من حياتو يشاء القدر

انو يشيل كنزي من ذاكرتو تماماً.

وتعدي الايام والحلوين كبرو وبقا عبدالله رايح اوله

ثانوي وكنزي تلته اعدادي وفي السنين أللي فاتت

دي عمرهم لا كلمو بعض ولا شافو بعض ولا حتي

فكرين اي حاجه عن بعض وندي اختفت فتره من

حياتو بس يا تري ممكن ترجع تاني تعالو نشوف

حياة كل واحد فيهم بقت ازاي وبعد ما كبرو بقو

ازاي ويا تري حبو ولا لاء.

كل ده هنعرفو في الفصل اللي جاي وزي ما هيكون

في حاجات حلوه هيكون في صدمات وهتشوفو

يعني ايه القسوه ويعني ايه التملك الحقيقي هيبدأ

الخناق والكره والحب وكل حاجه لان دي مرحله

المراهقه يعني احلي سنين عمرهم ولسه هنمشي

معاهم في مشوار حياتهم وقصه حبهم وهما بيكبرو

وحبهم بيكبر معاهم.

♕♕♕♕♕♕

صوتو وعلقو كتييير بلييز متخلوش كل التعب ده

يروح كده بلوشي ?.

#بقلم الملكة❤