ورده الوداع 😞

789 Words

وبعد ما سي عبدالله معرفش ينطق حرف قدامها ولا يقولها انو بيحبها لا وكمان خوفها بالقطه وهي قررت تسيبو وتمشي لكن هو كان متعصب حبتين. عبدالله: لا استني بس وانا مش هخلي ولا قطه تقرب منك. كنزي: انا عايزه امشي حالا. الام : خلاص سبها تمشي يا عبدالله. عبدالله : باي. كنزي : باي. وبعدها طلع علي اوضته وهو متعصب. عبدالله: ازاي متسمعش كلامي انا قولتلها تستني يبقا لازم تستني...... انا مفيش حد يقولي لاء..... وكمان بنت ماشي...... الام: يا عبدالله. عبدالله: ايه يا ماما. ♕♕♕♕♕♕ وفضل طول اليوم يفكر ازاي هي متسمعش كلامو. وبعد يومين راح هو وامو عندها في بيت ستها. كان متغاظ منها وعايز يخلص عليها. وفي نفس الوقت كان عايز ياخدها في حضنو ويروح بيها لعالم تاني.... عالم محد يقدر يشوفهم ولا يوصلهم. نقف ثانيه كده علشان نهزق المخلوق ده. ايه الانسان الغريب ده طب انت عايز تقتلها ولا تحضنها يخربيت مشاعرك المتلخبطه دي .... شكلو كده البطل مشاعرو بقت خلطبيطه ومن غير صلصه. المهم نرجع لكلامنا تاني. فضل كل شويه يبصلها بصه انو عايز يولع فيها و.... الأم: معلش يا كنزي ممكن تجيبي الشاي من علي النار. كنزي: ماشي يا ماما. الام: عبدالله قوم هات كبايه المياه هناك اهي. عبدالله بعد ما كب كبايه المياه علي الارض: اه.... معلش انا مكنش اصدي. الجده: لا عادي ولا يهمك هي هتنشف دلوقتي. الام: بس لحد يتزحلق فيها ولا حاجه. الجده: لاء هي دقيقه وتنشف. علي دخلتها علي الصاله. عبدالله: حاسبييي...... كنزي: اه.... اه... الممرضه: بسرعه محتاجين دكتور حروق...... وفي لحظات صعبه جدا الكل علي اعصابو و هي بالعافيه فاتحه عنيها وقادره تحرك دراعها بيغم عليها. عبدالله: كنزي.....ك..... فين الدكتور.... قالها عبدالله وهو بيصرخ في كل اللى قدامو من خوفو عليها وبعدها دخلت العمليات.... هي جوه العمليات بتصارع وبتتألم وهو بره قاعد علي أعصابو وحاطط كل اللوم علي نفسو لان المياه وقعت بسببو وهي أتأذت بسببو وكان كل همو انها تبقا كويسه وتصحا وتبقا بخير . وبعد حوالي نص ساعه. لمبه العمليات الحمرا اطفت. الام بخوف شديد علي أبنتها: دكتور.... هي كويسه.... طب صحيت... هي كويسه مش كده... قولي انها كويسه. الدكتور: اهدي اهدي المريضه حالتها كويسه وكويسه جدا كمان. الدكتور تاني: وبالرغم من ان المياه كانت مغليه إلا ان الحرق كان بسيط. الام بأرتياح: الحمدلله علي كده..... عبدالله: الحمدلله انها كويسه.... قالها وهو قلبو مش قادر يهدي من الفرح انها بخير ومش قادر يبطل خوف في نفس الوقت وكان يادوب قادر يتحكم في اعصابو. بعدها هدى ولبس لبس معين علشان يدخل لها. وفضل واقف جنبها كل اللي بيعملو انو بيبص عليها وبعدها اهلها واهلو دخلو وهو فضل واقف مستنيها بس تصحي كان خايف عليها لدرجة ان مفيش كلمات تقدر توصف الخوف ده. وبعدها بفتره كان الجرح خف خالص ومبألهوش اي اثر وبعدها اخد قرار انو يعترفلها بحبو فراح وقالها انا عايز اقولك علي حاجه مهمه . كنزي: وانا كمان. عبدالله: طب قولي انتي الاول . كنزي : لاء قول انت. عبدالله : خلصي وقولي بدل ما امشي . كنزي : ماشي انا... ماشيه انهارده. عبدالله : ماشيه... ماشيه رايحه فين . كنزي: راجعه بيتنا . بعدها حس ان العالم كلو من حوليه اتهد ومقدرش ينطق كلمه وكان جايبلها ورده حقيقيه مش بلاستك وكان ماسكها ورا ضهرو فرمي الورده من ايدو وجري علي البيت من غير ما ينطق بحرف واحد وبدل ما تكون دي وردة بداية الحب كانت وردة الوداع وعدت الايام وعبدالله وندي بيقربو من بعض اكتر بس مفيش اي مشاعر من تجاهو كان واخدها مجرد تسليه لحد ما عبدالله كان في اواخر سنه اوله اعدادي وكان اخر يوم امتحان. صاحبه: ايه ده يا اخي اخيرا خلصنا امتحانات ده انا كنت خلاص هموت . عبدالله: مش لوحدك ده.... صاحبه: ايه ده بص بص. عبدالله: في ايه. صاحبه: ايه القمر أللي بيطلع الصبح ده. اللمظه أقصد كنزي: وممكن اطلعلك نجوم كمان...... لحظه زهول. كنزي: عبدالله. عبدالله: كنزي. يا نهار ابيض دول رجعو اتقابلو تاني بس في موقف ميتحسدوش عليه . وبعدها بصتلو من فوق لتحت ومشيت بس هي كانت جايه زياره يوم واحد بس. فعلي اخر النهار كده. عبدالله: اهلا عامله ايه. كنزي: هاي. عبدالله: هاي... ايه هاي دي احنا معندناش الكلام ده. وبيشد اديها وبيسلم عليها السلام العادي. عبدالله: انا.... ايه استني مالك مستعجله كده ليه. كنزي: لاء ولا حاجه بس عايزه امشي. عبدالله: بس في حاجه مهمه عايز اقولهالك . كنزي: معلش خليها مره تانيه . عبدالله: لاء مينفعش انا لازم اقولك اني.... كنزي: انك ايه متكمل.... عبدالله: بصراحه انا بحبك... كنزي: طب انا لازم امشي. عبدالله: استني انتي مسمعتنيش انا بقولك بحبك . كنزي: واظن ان احسنلي اني امشي قبل ما حبيبة القلب تشوفنا وتفتكر حاجه غلط . عبدالله: حبيبة القلب انتي قصدك مين . كنزي: اه انت بقا هتعمل نفسك مش فاهم انا اصدي ايه انا اصدي علي ست الحسن ندي... عبدالله: وانتي تعرفي ندي منين . كنزي: معرفه قديمه قديمه اوي يا..... عبدالله. عبدالله: استني هنا....... ♕♕♕♕♕♕♕ هيكبرو هيكبرو اصبرو أكيد يعني مش هيفضلو أطفال....... صوتو وعلقو كتيير ?. #بقلم الملكة❤

Free reading for new users

Scan code to download app

App Store Google Play

Facebookexpand_more