ملاكي الع**د

يتعصب و ينزل علي مفيش 😂

وفي لحظه وبعد خناق طويل بينهم هما الاتنين

زق عبدالله كنزي مره واحده علي الارض واتعورت

جامد في دراعها وبعدها قامت وجريت علي البيت

من غير ولا كلمه ورجع عبدالله علي البيت وكان

مدايق جدا من نفسو ازاي انا اعمل كده

واكيد هي دلوقتي بتعيط بسببي يا الله لو اتأذت

جامد انا لازم اروح اشوفها .

هنا: يا عبدالله .

عبدالله: يوووه ودي عايزه ايه كمان نعم يا هنا.

هنا: ممكن تروح تجبلي حاجه من بره .

عبدالله: مش دلوقتي علشان لازم اروح اشوف حد .

هنا: حد حد مين وليه باين عليك الخوف .

عبدالله: وبصوت طفولي.... انا... خوف لاء طبعا انا

راجل ومبخفش .

هنا: اممم.... متأكد امال انا ليه شايفه ع** كده .

عبدالله: لالاء مفيش حاجه من ده انا ماشي سلام .

هنا: اتخنقتو انهارده صح .

عبدالله: لا بقا انا كده لازم افهم انتي متفقه مع

العصافير تراقبني ولا ايه اعترفي .

هنا: ههههه...... عصافير ايه بس يا اهبل.

عبدالله: متقوليش بس اهبل...... بصي انا هقولك بس

متقوليش لحد اتفقنا .

هنا: اتفقنا .

وحكلها كل حاجه حصلت .

هنا: بس يا عبدالله مكنش ينفع تعمل كده .

عبدالله: انا عارف بس انا معرفش ايه اللي حصلي

في وقتها وكمان هي اللي اتفزتف*ني.(استفزتني)

هنا: هي ايه ?......خلاص روح وكلمها وصالحها .

عبدالله: لا مستحيل دي ممكن تقتلني لو شاف*ني ده

دراعها كلو كان دم ومتعور اوي .

هنا: لالاء اكيد انت بتبالغ بس وهي اكيد كويسه روح

دلوقتي شوفها وبعدين ابقا تعالى قولي قلتلك ايه .

عبدالله: ماشي هجرب حظي مع المغروره دي يمكن

ترضي تشوفني حتي او تفتحلي الباب اصلا .

هنا: يعني عورتها وكمان بتقول عليها مغروره يا لهوي

منك يا عبدالله .

عبدالله: خلاص سلام انا ماشي .

وراح علشان يشوفها بس هي مرضتش حتي تخرج

من اوضتها وروح عبدالله من غير ميشوفها ومكنش

عارف هو متعصب لأنها مرضتش تكلمو او مدايق

لأنو أذاها وفضل يفكر طول النهار في المغروره اللي

مرضتش تكلمو دي .

وعلي الساعه 7 المغرب كده جت القمر عندهم في

البيت هي وستها .

وهو كان ناقصلو جنحات و يطير اول مشافها

( نفس حالي بالظبط لما بشوف شوكلاته ربنا ما

يوريكو عيني بتطلع قلوب ❤) بس مكنش عارف

يوريها وشو ازاي فقرر انو يروح ويجبلها حاجه

وطار زي الصاروخ علي السوبر ماركت وحتي

مفكرش هو معاه فلوس او لاء ولما كان هناك شاف

اكتر شبسي هو بيحبو فراح بسرعه علشان يجيبو

وفي نفس الوقت شاف بياع غزل بنات فلما شاف

معاه كام ملقاش غير جنيه واحد (مفلس من الاخر

علي الحديده يا باشا ?)

وبصراحه هو م**ل يروح ويرجع تاني.

يعني يا يجيب الغزل او الشبسي....

وبعد خمس دقايق كده في بيت عبدالله شافت

كنزي حاجه غريبه عندهم في الصاله فراحت

تشوف في ايه فشافت ولد بس وشو مكنش باين

لانو كان ماسك غزل مغطي وشو فلما شال الغزل

وشافتو سابتو ومشيت .

عبدالله: ايه مش عايزه غزل بنات .

كنزي: بس ده اكيد مش ليا .

عبدالله: امال لمين يعني .

كنزي: اكيد ليك .

عبدالله: لاء انا مبكلش الحاجات دي .

كنزي: امال جايبه ليه .

عبدالله: جايبه لواحده ايديها متعوره بسببي .

كنزي: بس انا مقولتش اني عايزه غزل .

عبدالله: بس انا عارف وبطلي كلام وخليني اعرف

اصلحك بقا اول حاجه انا اسف اسف علي كل حاجه

تاني حاجه لو عايزه تض*بيني علشان انا عورتك

اض*بيني انا موافق ولو هتقتليني كمان موافق حلو

كده.

كنزي: امم... طب لو قتلتك مين هيجبلي غزل

ويصالحني.

واتصالحو وفضلو قاعدين علي باب البيت بس ايه

ده زعلو تاني .

كنزي: عجبك كده اهو مش عارفه اكل الغزل او حتي

امسكو بسببك .

عبدالله: خلاص يعني هي دي مشكله تعالي انا

هأكلهولك تمام كده ياختي .

كنزي: ياختي هاها ظريف اهو انت دايما كده تتعصب

وتنزل علي مفيش .

عبدالله: انا كده خلاص مفيش غزل .

كنزي: خلاص اسفه .( قلبت بطه بلدي ?)

عبدالله: ماشي يا قمر ..... ايه ده في ايه انتي

بتت**في امال انا ليه كنت فاكرك.....

كنزي: فاكرني ايه ها والله كنت عارفه انك......

عبدالله: خلاص خلاص حقك علي راسي يا ستي.....

خلاص بقا ايه انتي بتموتي في الخناق كلي وانتي

ساكته .

حمزه: ايه ده انتو الاتنين هنا وقاعدين ساكتين

ومبتتخنقوش يعني .

هنا: وايه ده جيبلها غزل كمان ده انت عمرك معبرتني

بجنيه.

عبدالله: خليكي في حالك يا هنا.

حمزه: إنا للله وإنا إليه راجعون هي دي نهايه العالم

ولا ايه اول مره تشوفو بعض ومتتخنقوش .

عبدالله: خليك في حالك يا حمزه وكمان لسه نهايه

العالم بعد منخلص الغزل مش دلوقتي .

ووقفو كلهم يضحكو وبعدها مشيت كنزي مع ستها

وعبدالله مكنش عارف هو مدايق انو ملحقش يقعد

معاها غير دقيقه او فرحان انو صالحها واطمن عليها

لحد معرف انها خلاص راجعه بكره كان هيتجنن

ازاي وليه وبعدها .

عبدالله: يا ماما .

الام: ايه يا عبدالله .

عبدالله: ممكن اطلب منك طلب قد كده .

الام: اكيد اطلب .

عبدالله: ممكن تخلي كنزي تيجي تعيش معانا هنا .

امو ضحكت وقالت ايه لاء مستحيل .

عبدالله: ليه بس .

الام: هجبها هنا تعيش معانا ازاي .

عبدالله: هتعيش معانا عادي يعني .

الام: لاء مينفعش وهي كمان راجعه بكره بيتها .

عبدالله: مهي دي المشكله هي مش لازم تمشي .

الام: ليه بس مش هي لازم ترجع بيتها .

عبدالله: لاء مش لازم انا قولت لاء يعني لاء.

وامو يا عيني مش عارفه تضحك ولا تحاول

تفهمو .( اربوطيه في رجل السرير يا خالتي واخلصي

?)

وبعدها اختو هنا جت وقالتلو انها عندها حل

وهيخليها تيجي تعيش هنا معاه علي طول فقلها

ايه ايه قولي بسرعه قالتلو انك......

طبعا هي بتهزر بس هو خد الموضوع جد وبدأ

يخطط لحد منام من كتر التعب وصحي تاني يوم

وكان باقي نص ساعه وكنزي هتيجي هي ومامتها

تسلم علي اهل عبدالله وتمشي .

واول ما هي جت مشفتهوش خالص ولا في اي مكان

وفي لحظه نزل ووقف وسطهم وقال.......

~~~~~~~~~

والله هيكبرو بس قدام شويه ? اشوفكو الفصل

الجاي وعلقو كتيير واعملو نجمه صغنونه حلوه زيكم

باي.

#بقلم الملكة❤