NAGUGULUHAN na rin si Angelica kung dapat ba niyang paniwalaan si Zero sa mga sinabi nito o hindi. Nasaktan siya ng binata sa paglilihim nito sa kaniya tungkol sa kaniyang ama at ang tungkol sa pagpapalit ng pangalan ng may-ari ng bahay. Inisip niya na baka ang bahay ang pakay nito sa kaniya at hindi talaga siya mahal ng binata pero bakit sinabi niya ang mga bagay na iyon?
Bumuntong-hininga siya habang nasa tapat ng gusali na kaniyang pinagtatrabahuhan. Nag-over time naman si Mhariel dahil sa marami pa itong dapat tapusin pero siya, pinili niyang umuwi na dahil pakiramdam niya'y hindi niya kayang gumawa ng maayos sa trabaho niya.
Laylay ang mga balikat na naglakad siya palayo sa gusali para mag-abang ng masasakyan niya pauwi. Naalala lang niya si Zero nang mga panahong sinusundo siya ni
