PAGDATING ko sa bahay ay napuna kong balisa si nanay. Naghahanda siya ng hapunan namin pero panay ang sulyap niya sa akin na nandito lang sa lamesa sa maliit na dining area namin. Hindi ko na lang siya pinansin dahil inookopa ni Xander ang isip ko. Hindi ko lang talaga maintindihan kung bakit kami nagkakaganito.
“Nay, bakit?” tanong ko nang makita ko siyang palakad-lakad. Parang gustong lumapit sa akin pero parang may kung anong pumipigil sa kaniya. Mumhang may problema si nanay.
“Anak, kung sakali bang magsisinungaling ako sa ‘yo tungkol sa isang bagay ay magagalit ka ba sa akin?” tanong niya. Ang mga mata niya’y puno ng pag-aalinlangan.
Nagtaka ako sa tanong ni nanay. “Ano po ba ‘yon, nay?”
“Sagutin mo muna, nak. Magagalit ka ba?”
Inayos ko amg salamin ko sa mata bago sagutin s
