ILANG ORAS na mula nang magbukas ang bakeshop namin pero ni isa ay wala pang bumibili. Kanina pa nanghahaba ang leeg namin ni Rachelle sa kakahintay ng mga customers namin pero wala. Kahit pilay walang napadaan sa harap ng store.
Narinig kong napabuntong-hininga si Rachelle. “Alam mo, bess feeling ko sinabotahe na ni Nicole itong store natin, eh! Hindi kapani-paniwalang ni anino ng mga suki natin ay hindi manlang natin nakita!”
“Baka busy lang ang lahat. Mayamaya ay siguradong may darating na.”
“Asa ka pa! Tingnan mo kung ano’ng oras na! Kahapon alas cinco pa lang ng umaga may naghihintay na rito. Ngayon, alas diyes na at tirik ma ang araw, ni isang pandesal ay wala tayong naibenta!”
“Chelle…”
“Hindi pwedeng nagkataon lang ito, Bess! May hinala akong may kinalaman dito ang issue s
