ALAS CINCO pa lamang ng umaga ay nakahanda na kami ni Rachelle at nakadisplay na ang mga products namin sa kristal na estante. Mayroon kaming butterscotch, carrot and banana cake, empanada at ube insaymada.
Nakuha ang pwesto namin sa halagang one thousand five hundred. Renta na namin iyon sa buong araw. Actually ay dalawang libo ang bigay sa akin ng may-ari kaya lang ay tumawad ako ng five hundred. Okay lang sa akin ang presyo dahil may sarili itong banyo at washing area.
“Sana makarami tayo ng benta ngayon, Bess.”
“Sigurado ‘yan dahil Linggo ngayon. Marami ang mamamasyal.” Malapit kasi ang pwesto namin sa park.
“Ang mabuti pa, tawagan mo na si Tita Ganda na okay na tayo rito. Huwag na kamo sila pumunta ni mama.”
“Okay.” Kinuha ko ang cellphone at tinawagan nga si nanay. Mabuti na
