HINDI KATULAD ng sinabi ni Xander ay hindi ganoon kadaling mamatay ang issue tungkol sa amin ni Nicole. Dalawang linggo na ang nakararaan ngunit mainit pa rin ang issue na para bang kahapon lang nangyari. Iyon ay dahil rin kay Nicole. Ang sabi noon ni Xander ay matatanggap din ni Nicole ang nangyari at hindi na siya nito hahabulin pero mali pa rin ito. Laging laman ito ng mga balita at interviews sa telebisyon. Umiiyak. Kaawa-awa na para bang inapi. Hindi rin ito nakakalimot banggitin ang babaeng ‘umagaw’ diumano sa boyfriend nitong si Xander na sanhi ng depression daw nito. In short, lumalabas talaga akong kontrabida. Malandi. Mang-aagaw.
Hindi ko na nga alam kung ano ang gagawin ko. Wala akong kasalanan pero paano ko iyon patutunayan? Sirang-sira na ang image ko at ni wala man lang ako
