BITBIT ang paper bag na may lamang kahon ng sapatos na ibinigay ni Xander ay pumasok na ako sa loob ng bahay. Naabutan ko si nanay na naghihiwa ng gulay sa mesa sa kusina at may puting facial mask pa sa mukha.
“Nay,” tawag ko sa kaniya na nagpaangat ng ulo nito mula sa ginagawa. Lumapit ako sa kaniya at nag-mano.
“Bakit ngayon ka lang, ‘nak? Saan ka ba napadpad at ginabi ka na?”
Humila ako ng silya at naupo. Nakapangalumbabang itinukod ko ang siko sa ibaba ng mesa. “Galing po ako sa mall,” sagot ko. Hindi ko sasabihin kay nanay na kasama ko si Xander at na hinatid ko pa siya sa bahay niya.
Mabuti na lamang at kasama ni Shin si Ethan kanina nang puntahan kami ni Xander. Si Shin na tuloy ang nagmaneho ng kotse ni Xander. At walang sinumang nakakaalam kung ano ang nararamdaman ko habang
