````
Pagdating ni Zandria sa kanilang bahay, nadatnan niyang nakaupo sa sopa sina Bernard at Mariano. Nakatitig ang mga ito sa kanya kaya kinabahan siya. Ayon sa nakikita niya ngayon, alam na ng kanyang ama ang ginawa niyang pakikipagkita sa madrasta ni Mariano.
“Ganito ba dapat ang oras ng isang babae, Zandria?” Malamig na tanong ni Bernard sa kanyang anak. Lalong bumilis ang kabog ng puso niya.
“At saan ka galing? May asawa ka na Zandria, ngayon ka pa nag-bulakbol.” Dagdag nitong sabi sa dalaga, huminga siya ng malalim para maging kalmado.
“Pasensya na po papa may importante lang akong pinuntahan.” Paghingi niya ng pasensya sa kanyang ama.
“Maupo ka rito, mag-uusap tayo.” Utos niya walang nagawa si Zandria kundi lumakad palapit sa ama. Tumingin ang dalaga kay Mariano pero inismiran
