"Bakit mo ako iniwan kanina?" bulong ni Dwien sa punong-tainga ni Ze. Nasa loob siya ng silid ng kasintahan dahil patago na naman siyang pumasok doon.
"Alam ko kasing mapapahamak ka 'pag sumabay ako sa iyo," sagot ni Ze habang nakayakap sa kasintahan n'ya. "Panay kasi ang papansin ni Simon." bumuntong hininga si Ze. Naiinis siya dahil sa pagbabantay sa kan'ya ni Simon. Pagdating sa bahay ay panay ang kumusta ng mga nanang niya tungkol sa relasyon nila ng mayor. Pinipilit din siya nina Nanang Joan at Nanang Clara na sagutin na ang binata.
"Buti na lang, hindi ka sumabay kay Simon," wika ni Dwien. "Kung sakali ba, handa ka bang iwan ang San Diego at sumama sa akin sa Maynila upang maging malaya tayo?"
Biglang napaupo si Ze at sumandal sa dingding na kahoy ng kaniyang silid. Hindi niya
