Masakit ang katawan ni Dwien nang magkita sila ni Ze kinabukasan. Namamaga ang daliri niya na naipit sa cabinet. Ilang oras kasi siya sa loob ng damitan ng kasintahan dahil binantayan ng mga nanang ni Ze ang dalaga.
"Masakit ba?" tanong ni Ze sa chat habang magkaharap silang kumakain sa restaurant pero hindi sila nakaupo sa iisang lamesa. Paraan nila iyon para kung may makakita sa kanila na taga San Diego ay hindi sila paghihinalaan na magkasama.
"Sobra. Halos himatayin na ako kagabi sa loob ng cabinet mo. Parang guwardiya sibil ang mga nanang mo." Napatawa si Ze nang mabasa niya ang sinabi ni Dwien.
"Hoy! Ano iyan? Mukhang masarap ang pinag-uusapan n'yong dalawa," wika ni Bhil.
"Masarap talaga. Este, parang longganisa," pilyang sabi ni Ze.
"Iyan ang epekto sa atin ng Lust in the
