FY#39
"HOW ABOUT LORELEI WILL BE THE ONE TO DRIVE THE CAR?"
Napatingin ang lahat kay Mama Karen nang magsalita ito. Gano'n din si Luke na kanina pa tahimik at iniisip ang mga plano na ginagawa nila para matigil na ang pagha-haunting ng Mafia king sa anak niya.
Wala na kasi siyang ibang paraan kundi ang sundin ang naisip ni General Yu. Ayaw man niya pero nawalan na sila ng panahon. Sinabi na sa espiya niya na nasa organisasyon pa rin ng BSO na alam na ng Mafia king na nanganak na ang asawa niya.
Kung hindi lang sana siya malaking duwag at nalaman kaagad niya na nagdadalantao si Karenina, 'di sana naitago niya sa publiko na babae ang isa sa kambal niya. Hindi nga niya naiwasang sisihin sina Tito Franco at Mama Karen dahil alam naman nito ang kontratang pinirmahan niya sa BSO pero wala ma
