HINDI NAGTAGAL ay nagsimula na ang bagong kabanata ng buhay ni Serene at Angelo. Sa wakas, senior high school na sila at ito na ang unang araw ng kanilang klase. Masayang-masaya si Serene habang nililibot ng tingin ang buong paaralan.
Ibang-iba ito sa pinasukan niya mula elementarya hanggang junior high. Dahil nasa isang pribadong paaralan na siya, pakiramdam niya ay nag-iba rin ang environment niya. Hindi tuloy niya alam kung paano makikipagkaibigan sa mga estudiyante rito.
Nakangiti siyang naglalakad habang pinagmamasdan ang paligid. Nakahawak pa ito sa strap ng kan’yang itim na bag habang nagmamasid. Siya lang mag-isa ang naglalakad ngayon dahil nauna na rito si Angelo sa eskuwelahan kanina pa.
May kailangan daw kasi itong asikasuhin.
Naiintindihan naman niya iyon kaya hindi siya
