IMBES NA kumalma tuloy ay mas lalo pang nag-init ang dugo ni Serene. Padabog itong tumayo at hinawakan ang braso ni Clea para hatakin din ito patayo.
“Halika, pupunta tayo ngayon sa police station! Susundan natin si mama at ipapakulong natin ang lintik na ‘yon!”
“Inay!” ani Clea. Tila ay nakahinga ito nang maluwag nang makita ang ina.
Napatingin si Serene roon sa may pintuan nang pumasok doon si Demi na may dala-dala pang envelope. Ang isa ay kulay brown at malaki ito, habang ang isa naman ay kulay puti at may kaliitan ito.
Katulad ni Clea ay lumapit din siya kay Demi upang magmano rito.
“Ano po ang nangyari? Kumusta po kayo?” kaagad namang tanong ni Serene sa ina. Kitang-kita niya ang mabilis na pagkunot ng noo nito dahil sa tanong niya.
“Hindi ba dapat ay ako ang magtanong niyan sa
