Oriana Fatima’s POV
“Stay safe, Oriana.”
Si Ayisha na nakasabit ang pink na pink niyang bag sa braso. Nakipag-beso pa siya sa akin habang nasa tapat kami ng sundo ko na tinted na tinted at hindi makita kung sinoman ang nasa loob. Lahat ng sasakyan ni Damien ay ganyan ka tinted.
Talagang ayaw na nakikita ang tao na nasa loob. Maganda na rin ‘yon para privacy na rin. Ganoon din siguro talaga kapag mayayaman, palaging tinted ang sasakyan lalo na ng mga artista.
“Ingatz, Oriana,” nakangiting sambit naman sa akin ni Frence. Kaibigan ni Ayisha na kakikilala ko lang din. Isang architect student dito sa university namin. "Kita ulit tayo bukas, hah! Tapos sabay-sabay ulit tayo sa break time!"
Nakipagbesobeso rin ako sa kanya tulad ng gusto niya. Mukha man silang maarte pero habang kasama ko
