Chapter 13
Sky's Pov:
"Sige kuya...pasok ka." Sagot ko sa kanyang mungkahi na mag-usap kami. Ewan ko kung ano ang gusto niyang pag-usapan. Siguro importante ang pag-uusapan namin kasi nag-abala pa siyang lapitan ako.
Pagpasok niya sa aking kwarto, dumeretsyo ako sa aking kama at umupo habang si Kuya Axel ay nakatayo sa aking harap.
"Hindi na ako magpapaligoy ligoy pa Sky. Pwede mo ba akong tulungan kay Maya?" Deretsyong sambit niya sa akin. Hindi ko inaasahan ang kanyang hiling. Ang akala ko ay hihingi siya ng kapatawaran sa kanyang mga ginawa sa akin pero nagkamali ako.
Napabuntong hininga ako sabay tingin kay kuya na may ngiti sa aking mga labi. Kitang kita ko naman ang pagkaseryoso sa kanyang mga mata.
Alam ko na ang kanilang kwento ni Maya. Noong grade 8 daw sila ay nagkaroon
