NAKAUPO si Yssabelle sa gilid ng kama sa kwarto nila ni Trent sa condo nito. Alas nueve na ng gabi pero hindi pa din bumabalik ang asawa sa condo. Simula noong umalis ito ng opisina kanina pagkatapos itong magalit ay hindi na ito bumalik. Marami ngang naghahanap dito, lalo na mga ka-appointment nito noong araw na iyon. Hindi daw kasi nagpakita si Trent. Hindi naman niya alam kung ano ang sasabihin sa mga ito kaya nag-alibi na lang siya na masakit ang ulo ni Trent. Tinatawagan niya ito pero hindi nito sinasagot ang mga tawag niya. Ring lang nang ring iyon. At nang muli siyang sumubok ay un-attended na ang numero nito. Mukhang in-off na nito iyon para hindi niya ito matawagan.
Kinagat na naman ni Yssabelle ang ibabang labi ng maramdaman na naman ang nagbabadyang luha sa kanyang mga mata. P
