NAKIKIPAG-kwentuhan si Yssabelle kina Ate Mae at Manang Susan sa may kusina ng mapatingin siya sa cellphone niyang nakalapag sa ibabaw ng dining table noong tumunog ang ringtone niyon.
Dinampot naman ni Yssabelle ang cellphone. At bahagya namang kumunot ang noo niya nang makita at mabasa niya ang pangalan ni Trent sa screen ng cellphone niya. Ito kasi ang tumatawag sa kanya sa sandaling iyon.
Hindi naman niya maiwasan ang magtaka kung bakit siya nito tatawagan, eh, nasa kusina lang siya at nasa library naman ito ng mansion.
Nasa kwarto si Yssabelle kanina pero bumaba siya para makipag-kwentuhan kina Ate Mae. Na-miss din kasi niyang makipag-kwentuhan sa mga ito. Kapag nasa condo kasi siya ay si Trent lang ang nakakausap niya at hindi naman sila nagku-kwentuhan na dalawa. At kapag sa o
