AKMANG lalabas si Yssabelle sa kwarto ni Trent nang mapatigil siya ng maramdaman niya ang pag-vibrate at pagtunog ng ringtone ng cellphone na nasa bulsa ng suot niyang short ng sandaling iyon.
Huminto naman siya sa paglalakad at saka niya dinukot ang cellphone na nasa bulsa ng suot niyang pantalon. Nakita naman niya na si Chester ang tumatawag sa kanya. Saglit nga siyang napatitig sa pangalan nitong nasa screen ng cellphone bago niya sinagot ang tawag nito.
"Hello, Chester?" bati ni Yssabelle mula sa kabilang linya ng sagutin niya ang tawag nito.
"Hi, Yssabelle," bati din nito sa kanya.
"Napatawag ka pala? May kailangan ka?" tanong niya dito.
"Yes. Ire-remind lang kita, mamaya na iyong exhibit ko," mayamaya ay imporma nito sa kanya.
Bahagya namang kumunot ang noo niya. Iniisip
