"ANO? Ikakasal ka na?"
Nailayo ni Yssabelle ang cellphone sa tapat ng kanyang cellphone nang napalakas ang boses ni Tanya mula sa kabilang linya ng tawagan niya ito para sabihin ang nakalapit niyang pagpapakasal.
"Ano ito? Prank?" mayamaya ay wika nito sa kanya, mukhang inaakala nito na pina-prank niya ito dahil mababakas sa boses nito ang hindi makapaniwala. Hindi din masisisi ni Yssabelle si Tanya kung hindi ito naniniwala sa sinabi niya, wala naman kasi siyang boyfriend. At saka ang alam nito ay nagpunta siya sa Manila para mag-trabaho hindi para mag-asawa.
"Hindi kita pina-prank, Tanya," wika naman niya sa kaibigan. "Ikakasal na talaga ako," pagpapatuloy pa na wika niya.
Saglit namang hindi nagsalita si Tanya mula sa kabilang linya. "Paanong nangyaring ikakasal ka na?" mayamaya
