NAG-ANGAT ng tingin si Yssabelle ng marinig niya ang pagtunog ng intercom ni Trent. Nakita naman niyang inangat nito ang intercom para sagutin ang naturang tawag. "Yes?" wika ni Trent sa buong-buong boses. Hindi ito sumagot, mukhang pinapakinggan nito ang sinasabi ng kausap.
Inalis naman ni Yssabelle ang tingin kay Trent at ibinalik na ang atensiyon sa harap ng monitor ng computer niya. Baka kasi mahuli siya ni Trent na pinapanuod niya ito, baka isipin nito na nakatunganga lang siya sa halip na mag-trabaho. Pero gayunman ay naririnig pa din niya ang sinasabi nito sa kausap ng sandaling iyon.
"Nandiyan na ba sila lahat?" narinig niyang tanong ni Trent mula sa kabilang linya.
Ipinilig naman na niya ang ulo at itinuon na ang atensiyon sa ginagawa. Apat na araw na simula noong mag-trabaho
