NATUTOP ni Yssabelle ang noo nang pagtingin niya sa sabitan ng mga damit na nasa banyo ay nakita niyang wala doon ang mga damit niya. Naiwan pala niya iyon sa ibabaw ng kama. Bitbit kasi niya iyon ng tumawag sa kanya si Tanya para mangamusta, inilapag niya iyon sa ibabaw ng kama habang kausap niya ito. At nang matapos niya itong makausap ay nakalimutan niyang kunin iyon ng pumasok siya sa banyo para maligo.
Nagpakawala naman si Yssabelle ng malalim na buntong-hininga. No choice siya kundi magtapi lang ng tuwalya para matakpan lang ang katawan.
Dinampot naman ni Yssabelle ang tuwalya na naroon at iyon ang itinapi niya sa kanyang hubad na katawan. Pagkatapos ay lumabas na siya ng banyo.
At pagkalabas niya ay natigilan siya ng sakto ding bumukas ang pinto sa kwarto at pumasok do'n si Tre
