Pagkapasok ko sa bahay ay agad akong umupo sa mahabang sofa. Tinanggal ko ang black shoes ko at ang medyas. Nakita kong namumula ang ankle ko. Sobrang sakit pa rin niya.
"Ate Cil? Manang?" tawag ko sa kanila at nakita kong lumabas si Ate Cil mula sa kusina.
"Ano 'yon, Cheeyah?" tanong sa akin ni Ate Cil at napatingin sa isa kong paa na nakahiga sa kinauupuan kong sofa. "Anong nangyari?" Tanong niya nang makita niyang namumula ang ankle ko at agad akong dinaluhan.
"Na-sprain lang po, pakikuha naman po ako ng isang cold compress." sabi ko kay Ate Cil at agad siyang bumalik sa kusina.
Nasaan ba si Mama? Narito na ba siya? Umalis ulit kasi siya kaninang umaga hindi ko na naitanong dahil nagmamadali na rin ako, nagpuyat pa kasi ako.
Bumalik ulit si Ate Cil na may dalang cold compress. Ako
