Nang matapos na ang lahat ng aking exam sa araw na 'yon ay agad akong nag-ayos ng mga gamit. Nakakapagod at nakakadry ng utak pero habang nag-e-exam kami kanina ay palagi siyang sumisingit sa isipan ko. Hindi ko kasi alam kung ano ang gagawin ko, halata naman na nagtatampo siya.
"Nagmamadali ka yata? Saan ang punta mo?" tanong sa akin ni Mateo habang nakasukbit na sa magkabilang balikat niya ang kan'yang backpack.
Bakit ko nga ba nakalimutan? Lalaki pala ang kaibigan ko, baka makatulong siya.
Isinukbit ko na rin sa isang balikat ko ang backpack ko at humarap sa kan'ya. "Paano mawala yung tampo niyo?" tanong ko sa kan'ya na ikanakunot ng kan'yang dalawang kilay.
"Ano? Bakit mo naitanong?" balik tanong niya sa akin.
"Ano nga?"
"Depende 'yan sa lalaki. Para saan ba?"
"Ano...si Bryan ka
