Pagkatapos ng lunch ay inihatid niya ako sa room ko. Hindi na kami gaanong pinagtitinginan dahil nasanay na yata sila.
Pagkapasok ko sa room ko ay inilagay ko ang backpack ko sa upuan ko at pinuntahan si Mateo na may binabasang libro.
Naramdaman niya ang presensiya ko kaya napatingin siya sa akin.
"Hindi ka pumasok kaninang umaga," sabi niya sa akin.
"May ginawa lang. Anyway, may sasabihin ako sayo," nakangiting sabi ko sa kaniya.
"Ano 'yon?" tanong niya.
Magsasalita na sana ako nang pintagil ako ni Mateo.
"Mamaya na lang, nandiyan na si Ma'am."
Tumango ako sa kaniya at muling bumalik sa upuan ko.
Pagkatapos ng lahat klasi sa araw na ito ay agad kong inilagay sa loob ng backpack ko ang mga notes ko. Isasara ko na sana ito nang makita ko ang ibinili kong eyeglasses para kay Mateo.
