Sa tingin nila ay okay naman si Maestro kaya naman hindi na nila pinuntahan pa aang matanda. Dahil alam nilang ligtas naman ang ama ni Xendy kaya naman sa ospital na lang sila dumeretso. Nang makarating sila sa ospital ay agad nilang pinuntahan si Pier para kumustahin si Xendy.
"Par, kumusta?" nag-aalalang tanong ni Jairus kay Pier nang makita niya ito sa labas ng pinto ng kuwarto ni Xendy.
"Maayos naman. Nasa loob si Xendy. Nagpapahinga siya." sagot naman ni Pier. Nakahinga naman ng maluwag si Jairus. Pasalamat siya at ligtas si Xendy at daplis lang ang tama ng bala. Si Pier naman ay lilinga-linga pa na tila may hinahanap. Ngunit hindi natagpuan ng mga mata nito ang nais nitong masilayan. Hindi na niya naiwasan pa na magtanong dahil doon.
"Nasaan nga pala si Eman? Akala ko ay kasama mo
