"Hoy. Si Claude ang sagutin mo ah."
Umiling ako kay Kuya Kyle.
"Pre, sabi ko naman sa 'yo si Kill ang gusto niyan. Si Kill di ba?"
Umiling din ako kay Kuya Karl.
Nandito kami ngayon sa labas ng ukayan at nakatambay.
Nilipat na kanina si Tita sa provincial jail. Sinulit namin ang bawat oras na kasama siya kahit pa pwede naman namin siya dalaw-dalawin.
Puno ng paalala, utos, at habilin si Tita sa amin bago siya dalhin sa provincial jail. Sabi niya may tiwala raw siya sa amin pero mukhang fake news 'yon dahil sa dami ng mga paalala, utos, at habilin niya.
Hindi ko naman siya masisisi dahil halos lahat sa bahay ay gawain ni Tita. Minsan lang siya nakakapaghinga kapag tinamaan ng kasipagan ang dalawa kong pinsang ugok.
At ngayon, mag-iisip na sana ako ng plano kung paano ko pababagsakin
