[PYPER LIORA’S P.O.V.]
Parang ang lalim naman ng pinaghugutan ni Ethan nang sabihin niya sa akin na hindi naman totoo ang true love. Pero kung sabagay… dapat din naman talaga ay ‘di ako naniniwala sa salita na ‘yon. Dahil kung totoo ‘yon, e ‘di dapat ay kumpleto kami ng pamilya ko. Dapat ay may kasama akong tatay hanggang sa paglaki ko. E ‘di sana ay ‘di iniwan ng tatay ko si Mama. Maayos siguro ang pamilya at buhay namin.
“Kukuha lang ako ng gamot para may mainom ka. Maghahanda na rin ako ng dinner. Dito ka ba matutulog? Para maihanda ko na ‘yong kabilang kwarto para sa ‘yo,” sagot ko kay Ethan.
Iniba ko na ang usapan namin. Nagpunta na ako sa kusina para maghanap ng gamot. Nang makakita ako ay inihanda ko na ‘yon. Pero mamaya ko na siya papainumin ng gamot kapag nakakain na siya ng
