PHOENIX GONZALES
Ang sabi nila, once na makarating ka na sa langit, wala ng hirap at sakit na mararamdaman. Magiging payapa na raw ang buhay.
Then I guess, wala ako sa langit kun’di nasa impyerno dahil sa matinding sakit ng ulo ko. Na parang gusto kong iuntog sa pader.
Pinilit kong bumangon kahit na bahagya pa lang akong nakadilat. Iginala ko ang paningin ko para hanapin si satanas at manghingi ng medicol.
Teka, bakit parang kulay ulap ang paligid? Bakit hindi pula? Bakit walang apoy? Bakit malamig dito?
Nang tuluyang bumukas ang mga mata ko ay saka ko lamang napagtanto na may ospital din pala sa impyerno dahil sa mga aparatong natanaw ko sa aking gilid. High-tech rin pala rito. Pati sa kamay ko ay may nakasaksak na dextrose.
Pero, teka? Kung nasa impyerno ako, ibig sabihin hindi
