PHOENIX GONZALES
Laglag ang balikat ni Jake na bumalik sa sasakyan. Hindi ko alam kung bakit parang hindi siya pinapasok ng babaeng nagbukas sa kaniya ng gate at parang kinausap lang siya nito saglit.
Nilingon niya ako at saka siya bumuntong-hininga. "Nakaalis na raw sila."
"Huh?" Medyo naguluhan ako.
"Napaaga raw ang flight nila. Umalis na pala sila kagabi."
"Yes! Ligtas!" Hindi ko naiwasang mapangiti nang malapad at may pagsuntok pa ako sa hangin. Pero unti-unti ko rin ibinaba ang kamay ko nang pukulin niya ako nang masamang tingin. "Char lang. Magso-sorry na lang ako pag-uwi n'ya ng Pilipinas. Kung gusto mo kahit ako pa sumundo sa kan'ya sa airport!" Hindi na niya ako pinansin at in-start na lamang ang sasakyan. Nagsimula na siyang mag-drive at medyo nanibago ako dahil tahimik siy
