JAKE MARTIN O’HARA
“Another glass, Gino.”
Sa bar na agad ni Gino ako dumiretso matapos kong ihatid si Phoenix sa condo nila ng ate niya. At simula rin kanina nang maupo ako rito sa bar counter, hindi na mawala-wala sa isip ko ang mga sinabi niya sa ‘kin. T*angina.
“Kaya hindi magbubunga ‘yung nangyari sa ‘tin. Tama rin ‘yung sinabi mo sa mommy mo na humanap na lang ng ibang babaeng pakakasalan mo para mabigyan s’ya ng apo. Kasi ako…hindi ko kaya ‘yon. Kahit gaano n'ya pa ako kagusto para sa'yo, hindi ko s’ya kayang bigyan ng apo. Hindi kita bibigyan ng anak, Jake.”
Hindi na ako nakakibo pa matapos niyang sabihin ‘yon. Hanggang sa maihatid ko siya, para akong nawala sa sarili. Pakiramdam ko nawalan ako ng pain para makahuli ng isda.
“Ano na naman ba’ng problema mo?” tanong ni Gino na
