PHOENIX GONZALES
Habang may apat na customer akong nag-iikot sa loob ng shop, naupo muna ako sa harap ng monitor at inabala ang sarili kong magbasa ng mga comments sa ipinost kong picture noong maraming nag-request sa akin ng face reveal.
At isa nga sa comment na nabasa ko ay galing sa isang pamilyar na username.
"JMO'Hara: Real name reveal naman sana next, madam."
Username pa lang, alam ko na agad kung sino. Nag-angat ako ng tingin sa salaming pintuan ng shop dahil kanina pa ako nakikiramdam kung may papasok doon na isang Jake. Pero simula kaninang dumating ako rito, ni anino niya ay hindi ko pa naramdaman.
Ang dami ko ng naging customer simula pa kaninang umaga at sa bawat pagbukas ng pinto ay umaasa akong sana ay siya na 'yon. Pero lagi rin akong bigo.
Akala ko ba araw-araw niya
